Shafqatsiz o'yin

Shafqatsiz o‘yin
Akmal – 30 yoshlardagi kelishgan, o‘z manfaati yo‘lida hech narsadan tap-tortmaydigan muttaham tadbirkor yigit. Asli viloyatlik, shahar tijorat dunyosiga yaqinda kirib kelgan Lolaning e’tiborini o‘ziga tortadi. Lola, uning ikki marta uylangani, farzandi borligidan bexabar, sevib qoladi.  Akmal uni restoronga taklif qiladi. Ichimligiga dori qo‘shadi. Qiz o‘zini yo‘qotib qo‘ygach, uyiga olib borib, nomusiga tegadi. Va shunday xiyla ishlatadiki, bularning bariga Lolaning o‘zini aybdor qilib ko‘rsatadi. Akmal sevishi va albatta uylanishiga qizni ishontiradi. Uning firmasi hisobidagi pullarni “qo‘shma loyihaga” qo‘shish bahonasida o‘zining nomiga o‘tkazadi. Ana shundan keyin Lolaga yengiltak xotini – Zubayda bilan ko‘rinish beradi. Uni tanimasligini aytadi, Zubayda erini tinch qo‘ymasa sudga berishini aytib, Lolaga dag‘dag‘a qiladi.  Lolaning tijorati sinadi. Homilador ekanligi ma’lum bo‘ladi. Bor-budidan ayrilgan, nomusi toptalgan Lola o‘z joniga qasd qiladi. 
Zuhra juda ko‘ngilchan, bir qadar sodda tadbirkor qiz. Akmal shunday deb o‘ylaydi. U  Zuhra bilan tasodifan uchrashib qoladi. Aslida, bu tasodif emasdi. Akmal qizning ko‘ngliga yo‘l qidiradi, sevib qolganini aytadi. Marhum Lola kuppa-kunduz kuni, Zuhra bilan birga yurgan, mashinada ketayotgan payti ko‘rinish bera boshlaydi. Akmal ko‘zimga ko‘rinyapti, deb o‘ylaydi. Aslida uning ko‘ziga ko‘rinmagan, bu nozik rejaning davomi edi. Zuhra Akmalning sevgisiga iliq munosabat bildiradi. Aslida bu soddalik emas, jazoga tayyorgarlik edi. Zuhra Akmalning bosh hisobchisi, Zubaydaning o‘ynashi - Maqsudni o‘ziga og‘dirib olgach, Lolaga ishlatilgan xiylani  ishlatadi. Maqsud Akmalning firmasi hisob raqamidagi pullarni Zuhra aytgan hisob raqamiga o‘tkazish va Akmalning nomiga katta miqdorda kredit olish uchun xujjat tayyorlaydi. Zuhra Akmalga hujjatga qo‘l qo‘ydiradi. Akmal Zuhrani bulg‘ashni istagandi. Zuhra esa uni xonavayron qilgani yetmagandek,  SPID kasaliga uchragan ayolni ham ro‘para qiladi.   
Film oxirida xonavayron bo‘lgan Akmal Lola o‘zini tashlagan ko‘prik ustida turgani ko‘rsatiladi. Zuhra Lolaning singlisi ekanligi, Akmalning ko‘ziga marhuma opasi nima uchun ko‘ringani va opasiga yomonlik qilgan yuqoridagi uchta odamdan o‘ch olgani ma’lum bo‘ladi.