Ikkinchi turmush

IKKINCHI TURMUSH
Ushbu film yoshgina shifokor ayol Yasminning shaxsiy hayoti va ish faoliyatini yoritadi. Lekin bu yerda asosiy fokus shifokorlik faoliyatiga qaratilmagan. Balki tanani nafaqat dori-darmon bilan, shuningdek, ruhan ham davolash mumkinligi, Yasminning kechinmalari ko‘rsatiladi.
Yasmin oldin Omon ismli yigit bilan turmush qurgan. Ayni karyera qilayotgan paytida Yasminning bo‘yida bo‘lib qoladi. Turmush o‘rtog‘i bilan ham nizo ko‘payadi. Arzimas narsadan chiqqan janjallar kattalashib boraveradi. Keyin esa Yasmin va Omon ajrashib ketishadi. Omon viloyatiga qaytib ketib, o‘sha yerda uylanadi. Yasmin esa oilaviy do‘stlaridan biriga erga tegadi. Turmush o‘rtog‘i Begzod bilan juda baxtli yashaydi. Faqat oralarida farzand yo‘q. Begzodning juda farzandli bo‘lgisi keladi. 
Bir kuni Yasmin dugonasi bilan kishi ruhiyatini tabiat qo‘ynida davolaydigan tabibga, ya’ni Bo‘stonliqqa (oddiy Botanika bog‘i ham bo‘laveradi) vaziyat tufayli borib qoladi. Ammo u tabiblarga aslo ishonmasdi, ya’ni shifokorlik diplomi bo‘lmagan hech kimga ishonmasdi. Yasmin tabib bilan tortishib qoladi. Ammo keyin uning yordamiga o‘zi ham muhtoj bo‘ladi, ya’ni ruhiyati taskin topishi uchun. 
Chunki Yasmin u yerda Omonni ko‘rib qoladi. U Omonni ajralganlaridan beri ko‘rmagan edi. Bu paytda .Omon 2-turmushidan ham alohida yashayotgandi, rasman ajralmagandi, yakka o‘zi tog‘ga sayohatga chiqqan edi. Ikkisi gaplashib qoladilar. 
Begzod juda sodda va oddiy ayolni nikohiga olgan edi. Chunki Yasmin ikkisining o‘rtasida farzand bo‘lmayotgandi. 
Yasmin uyga qaytganida Begzod unga haqiqatni aytadi va Dildoraning homilador ekanligini, uni yolg‘iz qoldirmasligini aytib, kechirim so‘raydi. 
Yasmin ham buni og‘ir bo‘lsa-da, qabul qiladi va bundan keyin yo‘llari ayri ekanligini aytadi. So‘ng oldingi turmush o‘rtog‘i Omon bilan gaplashib yuradi. Ikkisi qaytadan turmush qurishga ahd qilishadi.
Ammo o‘sha kun yaqinlashganida Omonning xotini va qizi Toshkentga kelishadi. Omonning kichkina qizchasi “Ada, bizdan voz kechmang”, deb yig‘laydi. Omon o‘zining oilasi bag‘riga qaytadi va viloyatiga ketadi.Tana va ruh shifosi boshqa-boshqa, ammo shu bilan birga birga olib borilishi kerak bo‘lgan jarayon ekanligini tushuntirish. Optimist odamlarning qanday qilib tushkunlikka tushib qolishi, tushkun kayfiyatdan qutulish, sevgi-muhabbat hamda gunohlarning kishi taqdiriga ta’siri haqida oddiy insonlar hayoti orqali so‘zlab berish. Kechinmalar sodda va tushunarli tilda bayon qilinadi. Rishtalar, farzand Allohning ne’mati ekanligi haqidagi mavzular ko‘tariladi.