Ikkinchi hayot

Film komediya janrida bo‘lib, unda oilali ikki yigitning xayoti kulgili tarzda yoritiladi. Mardon qayniakasining qo‘lida ishlaydi. U ishidan ayrilib qolishidan, ayoli tashlab ketishidan qo‘rqib qayniakasining chizgan chizig‘idan chiqmaydi. Jasur (qayniaka)ning har bir gapi u uchun qonun. Kamol ham Mardon bilan birga ishlaydi. U ham qaynotasini ko‘rsa qo‘rqib, doim uning nazorati ostida yashaydi. Mustaqil fikri yo‘q, xaq-xuquqini talab qilishga jur’ati yetmaydi. Odatiy kunlarning birida ikki do‘st, ya’ni Mardon va Kamol shifokor ko‘rigiga boradi. Shifokor ularga qarab, “boshingizdagi o‘simta kattalashib ketibdi. Nari borsa 1-2 oy yashaysizlar”, deb aytadi. Tushkunlikka tushgan do‘stlar qolgan umrlarini o‘zlari xohlagandek yashashga qaror qilishadi. Endi ular hech kimdan va hech narsadan qo‘rqishmasdi. Ular ketgandan so‘ng shifokor tashhis qo‘yishda adashganini, bosh sohasini tekshiruvchi apparatga saqich yopishib qolganini ko‘rib karaxt bo‘ladi. Ikki do‘stni qidirishni boshlaydi. Bu paytda esa Mardon qayniakasi bilan dadil gaplashar, u bilan tengma-teng tortishardi. Kamol ham qaynota-qaynonasiga “meni tinch qo‘yinglar, oilamga aralashmanglar”, deydi. Kuyovidan bunday gapni kutmagan qaynota xayron bo‘ladi va uzoq o‘ylanib ayb o‘zida ekanini tushuna boshlaydi. Mardon ishdan ketadi. Ikkisi oilasiga ko‘proq vaqt ajarata boshlaydi. Ular tarixda qolish uchun 10 tonnalik osh qilib xalqqa tarqatishmoqchi ham bo‘lishadi. Shifokor aytgan muddat tugasa ham ular soppa-sog‘ edi. Mardon shifokorning adashganini internet orqali shifokorning videosini ko‘rib bilib qoladi. Kamol va Mardon g‘azablangancha shifokorning oldiga boradi. Bilishsaki, shifokorning o‘zi olamdan o‘tib qolgan. Qaxramonlar jaxldan tushib ortiga qaytadilar. Ular ketgandan so‘ng honaga yashirinib olgan shifokor ko‘rsatiladi. U yengil nafas oladi. Ikki do‘st esa, soppa-sog‘ ekanini, hali ko‘p yashashlarini bilishadi. Qolgan umrilarini ham so‘nggi kunlardagidek yashashga, qo‘rqmas bo‘lishga, oilasiga ko‘proq vaqt ajratishga, odamlarga yaxshilik qilib yashashda davom etishga qaror qilishadi.